Viðveruskráning
Frístundaheimilið Brekkubær
Viðveruskráning í frístundaheimilið
Skráning á viðveru verður að fara í gegnum íbúgátt Hveragerðisbæjar og endurnýjast hún sjálfkrafa mánaðarlega.
Skólaárinu er skipt upp í 9 tímabil og er hvert tímabil með umsóknafrest til þess að skrá nýja viðveru, breyta skráningu eða segja upp plássi
Viðveruskráning í frístundaheimilið er aðeins skráning í starfið eftir hádegi þá daga sem frístundaheimilið er opið.
Þá daga sem frístundaheimlið er opið fyrir hádegi er boðið upp á að skrá börn í lengda opnun.
Skráning fyrir lengdar opnanir fara fram í gegnum Sportabler. Upplýsingar um lengdar opnanir má finna hér neðar á síðunni.
Ef barn sem er með skráða viðveru í frístundaheimilinu iðkar íþróttir, stundar tónlistarnám eða er skráð í einhverskonar tómstundariðkun sem lendir á eða í kringum skráða viðveru er mikilvægt að tilkynna það hérna.
Breyting á viðveru
Til þess að breyta viðveruskráningu þarf að senda inn nýja skráningu í gegnum íbúagátt Hveragerðisbæjar.
Umsókn um breytingu þarf að berast áður en umsóknafrestur rennur út fyrir það tímabil sem á að breyta.
Uppsögn á viðveru
Til þess að segja upp viðveruskráningu þarf að senda inn uppsögn í gegnum íbúagátt Hveragerðisbæjar.
Uppsögn á viðveruskráningu þarf að berast áður en umsóknafrestur rennur út fyrir það tímabil sem á að breyta.
Lengd opnun
Tilgangurinn með lengdri opnun í frístundaheimilinu er einungis til þess að koma til móts við lokun í Grunnskólanum í Hveragerði.
Skrá þarf sérstaklega í lengda opnun í gegnum sportabler síðu Bungubrekku.
Skráning i lengda opnun er frjálst val foreldra/forráðamanna.
Skráning í lengda opnun er frá 08:00 til 13:00. Eftir það tekur við almenn viðveruskráning í frístundaheimilinu.
Ef barn er ekki með skráða viðveru í frístundaheimilinu eftir hádegi er gert ráð fyrir því að barnið verði sótt klukkan 13:00.
Foreldrar/forráðamenn sem nýta sér þessa þjónustu ráða hinsvegar hvenær börnin mæta eða þau verða sótt. Að mæta seinna eða fara fyrr hefur engin áhrif á kostnað við þess þjónustu.
Innifalið í lengdri opnun er létt ávaxta hressing milli 09:00 og 10:00. Einnig er innifalinn hádegismatur á milli 12:00 og 13:00. Nesti er leyfilegt ef foreldrar kjósa að senda börn með nesti. Að mæta með nesti hefur ekki áhrif á kostnað við þessa þjónustu.
Sama verðskrá gildir fyrir lengda opnun eins og almenna viðveruskráningu í frístundaheimilin sem má nálgast inn á heimasíðu Hveragerðisbæjar
Smelltu hér til þess að sjá tímabil viðveruskráningar og umsóknafresti
Skólasetning - 30. september
Umsóknafrestur rennur út eftir skólasetningu
1.-31. október
Umsóknafrestur rennur út 20. september
1.-30. nóvember
Umsóknafrestur rennur út 20. október
1.-31. desember
Umsóknafrestur rennur út 20. nóvember
1.-31. janúar
Umsóknafrestur rennur út 20. desember
1.-28. febrúar
Umsóknafrestur rennur út 20. janúar
1.-31. mars
Umsóknafrestur rennur út 20. febrúar
1.-30. apríl
Umsóknafrestur rennur út 20. mars
1. maí - Skólaslit
Umsóknafrestur rennur út 20. apríl
Smelltu hér til þess að sjá mikilvægar upplýsingar um viðveruskráningu
Lokanir, frí og skipulagsdagar
Upplýsingar um lokanir, frí og skipulagsdaga má finna á dagatali Bungubrekku sem er aðgenilegt með því að smella hérna.
Frjáls mæting
Foreldrar/forráðamenn eiga kost á því að skrá börn í frjálsa mætingu sem þýðir:
Foreldrar þurfa ekki að tilkynna ef barnið mætir ekki þann dag sem það er með skráða frjálsa mætingu.
Starfsfólk frístundaheimilisins tilkynnir þá ekki til foreldra ef barn mætir ekki í frístundaheimilið á þeim degi sem það er með frjálsa mætingu
Frjáls mæting hættir þegar barn mætir í starfið og þá er miðað við að barnið fari sjálft heim miðað við uppgefna viðveruskráningu. Barn með frjáls mætingu getur mætt hvenær sem er, en ekki farið hvenær sem er.
Viðvera, mæting og forföll
Tilkynna þarf forföll sérstaklega til okkar í gegnum póstfangið bungubrekka@hvg.is eða í gegnum síma, 4834095.
Starfsfólk hringir í foreldra ef börn skila sér ekki í starfið og því er mikilvægt að foreldrar tilkynni forföll til þess að tryggja að óþarfa viðbragðsáætlanir fari ekki af stað.
Foreldrar/forráðamenn sem ætla að sækja börn beint eftir skóla eru beðnir um að sækja börnin í frístundaheimilið frekar en út í skóla.
Foreldrar/forráðamenn eru beðnir um að senda frávik frá hefðbundinni viðveruskráningu í gegnum tölvupóst (bungubrekka@hvg.is) í síðasta lagi klukkan 11:00 þann dag sem frávikið á sér stað.
Frávik er t.d. breyting á heimferðamáta eins og að fara heim með vin, vera sótt af öðrum eða ef börn eiga að fara sjálf úr starfinu en á annan stað heldur en heim.
Ef tölvupóstur skilar sér ekki fyrir klukkan 11:00 er óvíst að upplýsingar skili sér inn í starfið þann dag.
Ef upplýsingar berast símleiðis á meðan starfið stendur yfir getur komið upp sú staða að ekki sé hægt að fylgja á eftir óskum foreldra/forráðamanna.
Breyting á heimferðamáta
Hægt er að senda póst á bungubrekka@hvg.is eða hringja í símanúmerið 483-4095 til þess að breyta heimferðamáta barna. Ekki þarf að senda inn nýja umsókn til þess.
Smelltu hér til þess að sjá upplýsingar um samspil viðveruskráningar í frístundaheimilinu og annarra tómstundaiðkunar
Starfsfólk frístundaheimilisins fylgir ekki börnum í tómstundir að jafnaði en fyrstu vikurnar á nýju skólari mun starfsfólk fylgja íþróttaiðkendum út í íþróttahús.
Starfsfólk sér um að senda börn á æfingar og í aðrar skráðar tómstundir út allan veturinn og passar að börnin leggi af stað á réttum tíma og skili sér í frístundabílinn þegar það á við.
Mikilvægt er að foreldrar og starfsfólk séu í góðu samstarfi þegar kemur að því að búa til gott jafnvægi á milli tómstunda og frístundaheimilisins.
Ef einhver óvissa kemur upp er starf frístundaheimilisins alltaf í forgangi og börn ekki send á æfingar.
Börn eru ekki send í neinar tómstundir sem lenda á viðverutíma í frístundaheimilinu nema það sé búið að skrá þau sérstaklega. Smelltu hérna til þess að tilkynna með skráningu.
Mikilvægt er að tilkynna ef barn hættir tómstundaiðkun sem er búið að skrá í gegnum bungubrekka@hvg.is eða í gegnum símanúmerið 483-4095.
