Frístundamiðstöðin Bungubrekka

Frístundamiðstöðin Bungubrekka hefur yfirumsjón á skipulagningu og rekstri á því frístundastarfi sem sveitarfélagið ber ábyrgð á og býður upp á. 

Frístundamiðstöðin Bungubrekka var stofnuð 2017 eftir að starfsemi frístundaheimilisins Brekkubæ (þá Skólasel) og starfsemi félagsmiðstöðvarinnar Skjálftaskjóls voru færðar í sama húsnæði. Út frá því fékk húsið Bungubrekka í höfuðið á samnefndri lóð hússins. 

Frístundamiðstöðin Bungubrekka hefur síðan þá færst yfir í það er vera huglægt starf frekar en að vera einungis tengt við húsnæðið sjálft. Bungubrekka er regnhlífarhugtak sem á við fjölbreytt starf stofnunarinnar óháð staðsetningu. 

Frístundamiðstöðin Bungubrekka tilheyrir fræðslu- og velferðarsviði Hveragerðis.

Starfseiningar innan Bungubrekku

• Frístundaheimilið Brekkubær

• Félagsmiðstöðin Skjálftaskjól

• Rafíþróttaklúbburinn C3LL4R

• Sumarnámskeið Bungubrekku

• Vinnuskóli Hveragerðisbæjar

Tímalína og saga starfsins

1995

• Félagsmiðstöðin Skjálftaskjól er stofnuð 1995/1996 í kjallaranum undir íþróttahúsinu við Skólamörk. 

2000

• Skólasel er stofnað í Hveragerði (seinna frístundaheimilið Skólasel)

2017

• Frístundamiðstöðin Bungubrekka varð til árið 2017 þegar Félagsmiðstöðin og Frístundaheimilið fluttu í sameiginlegt húsnæði. 

• Til að byrja með var aðeins húsnæðið kallað Bungubrekka og notkun á orðinu Frístundamiðstöð ekki til staðar. 

2020

• Notkun á orðinu Frístundamiðstöð festist í sessi og Frístundamiðstöðin Bungubrekka orðin sú stofnun sem heldur utan um frístundastarf sveitarfélagsins. 

• Lógó Bungubrekku er hannað og tekið í notkun. 

2021

• Frístundamiðstöðin Bungubrekka tekur yfir sumarnámskeið Hveragerðisbæjar fyrir börn og unglinga og heldur utan um rekstur og skipulag.

2023

• Frístundaheimilið Brekkubær verður til í staðinn fyrir Skólasel. Nokkrum árum áður var talað um Frístundaheimilið Skólasel og Frístundaskólann í Hveragerði. 

• Frístundamiðstöðin Bungubrekka tekur yfir Vinnuskóla Hveragerðisbæjar og heldur utan um allt skipulag vinnuskólans. 

• Rafíþróttaklúbburinn C3LL4R er stofnaður og í fyrsta sinn er boðið upp á skipulagt rafíþróttastarf í sveitarfélaginu.