Almennar upplýsingar

Enginn dagur í frístundaheimilinu er eins þegar kemur að viðfangsefnum sem eru í boði en ákveðin rútína á sér alltaf stað

• Þegar börnin mæta í frístundaheimilið tekur á móti þeim rafrænt valkerfi þar sem þau sjá hvaða viðfangsefni verða í boði á hverjum degi

• Rafræna valkerfið gerir okkur kleift að bjóða börnum upp á fjölbreytt viðfagnsefni í gegnum völ/smiðjur/klúbba

• Vel yfir 200 völ / smiðjur og útfærslur á þeim sem við bjóðum börnum upp á í starfinu í gegnum árið eru tengdar í gegnum valkerfið. Sum þessara viðfangsefna eru reguleg á meðan önnur eru sjaldgjæf.

• Á venjulegum degi eru um það bil 5-7 viðfangsefni í boði

• Valkerfið og mikið úrval af viðvangsefnum gerir það að verkum að möguleikar á útfærslum fyrir hvern dag eru vel yfir marga milljarða! 

Dæmi um dagleg/reguleg viðfangsefni

• • Smiðjur: Skipulagt verkefni sem stendur til boða eins vinabandagerð, leir með þema, þrautabraut eða mála markvissa mynd á blað.

  • Frjálst val: Frjáls leikur eða frjáls sköpun í stjórnuðu umhverfi eins og hlutverkaleikir, perl, útivera eða lestur.

Dæmi um önnur viðfangsefni

• • Ferðaval: Val sem gerist ekki í húsnæði eða lóð Bungubrekku.

  • Útistöðvar: Fjölbreyttar stöðvar á útisvæði Bungubrekku sem skapa umhverfi fyrir skapandi og frjálsan leik. Börn geta flakkað á milli stöðva eftir áhuga og hentisemi.

  • Klúbbar: Markviss hópur sem hittist á markvissum dögum með skýr markmið og tilgang.

  • Þemadagar: Ákveðið þema sem einkennir daginn og viðfangsefni dagsins.

• Tilkynna þarf forföll sérstaklega til okkar í gegnum póstfangið bungubrekka@hvg.is eða í gegnum síma, 4834095

• Starfsfólk hringir í foreldra ef börn skila sér ekki í starfið og því er mikilvægt að foreldrar tilkynni forföll til þess að tryggja að óþarfa viðbragðsáætlanir fari ekki af stað.

• Foreldrar sem ætla að sækja börn beint eftir skóla eru beðnir um að sækja börnin í Bungubrekku frekar en út í skóla

• Við biðjum foreldra/forráðamenn sem koma að sækja börn í frístundaheimilið að hringja ekki og biða um að senda börn út nema í algjöri nauðsyn

Frjáls mæting í frístundaheimilið

• Foreldrar/forráðamenn eiga kost á því að skrá börn í frjálsa mætingu sem þýðir:

  • Foreldrar þurfa ekki að tilkynna ef barnið mætir ekki þann dag sem það er með skráða frjálsa mætingu.

  • Starfsfólk frístundaheimilisins tilkynnir þá ekki til foreldra ef barn mætir ekki í frístundaheimilið á þeim degi sem það er með frjálsa mætingu

• • Frístundaheimilið er opið alla þá daga sem Grunnskólinn í Hveragerði er opinn og tekur á móti skráðum börnum beint eftir skóla

  • Þá daga sem Grunnskólinn í Hveragerði er lokaður getur verið að frístundaheimilið sé einnig lokað

    • Ákveðna daga bíður frístundaheimilið upp á lengda opnun fyrir hádegi á milli 08:00-13:00.

    • Upplýsingar varðandi þessa daga má nálgast inn á dagatali Bungubrekku sem er aðgengilegt með því að smella hér

• Gjaldskrá í frístundaheimilinu getur verið breytileg milli ára en það er ávalt í höndum bæjarráðs að ákveða gjaldskrá frístundaheimilins

• Hægt er að nálgast gjaldskrár Hveragerðisbæjar með því að smella hér. Gjaldskrá fyrir frístundaheimilið ætti að koma undir liðnum Gjaldskrá Skólanna

• Gjald fyrir viðveru í frístundaheimilinu er mánaðarlegt gjald sem er breytilegt eftir því hvernig viðvera er valin. Meiri upplýsingar um viðveruskráningu má finna hér