Almennar upplýsingar

Félagsmiðstöðin Skjálftaskjól

Með því að smella á fyrirsagnirnar opnast gluggi með texta

Hvað er félagsmiðstöð?

Félagsmiðstöð, eins og við þekkjum hana í dag, er afdrep þar sem unglingar á aldrinum 10-16 ára geta varið frítíma sínum án áfengis og vímuefna. Hlutverk félagsmiðstöðva er að stuðla að jákvæðum þroska unglinga og gera þau sjálfstæðari, bæði í verki og félagslegum samskiptum og gera þau hæfari til að takast á við lífið. Í starfi félagsmiðstöðva er lögð áhersla á gildi forvarna, sköpunar og mismunandi tegunda náms. Starfsmenn félagsmiðstöðva tryggja að starfið sé faglegt og taki mið af uppeldisgildum frítímans.

Samkvæmt Barnasáttmála Sameinuðu Þjóðanna (1989) þarf að virða rétt allra barna 18 ára og yngri til tómstunda. Mikilvægt er að öllum sé veitt jöfn tækifæri til þátttöku í menningarlífi, listum og tómstundaiðju (Barnasáttmáli Sameinuðu þjóðanna, 1989).

Hvar er félagsmiðstöðin?

Félagsmiðsöðin er með aðsetur í T-Húsinu við Breiðamörk 27.

Venjuleg opnun í félagsmiðstöðinni

Gerðir opnana í félagsmiðstöðinni eru nokkrar.

  • Opið hús: Engin dagskrá - Engin sérstök dagskrá. Þeir sem mæta hafa allt um það að segja hvað við gerum.

  • Opið hús: Smiðjur og/eða litlir viðburðir - Skipulögð dagskrá og stöðvar í boði. Lítil mál að breyta dagskrá aðeins.

  • Opið hús: Viðburður - Sérstakur viðburður þar sem við gerum ráð fyrir að flestir taki þátt, en mögulega annað í boði.

  • Opið hús: Klúbbar - Sérstakir klúbbar með "viðburði". Geta lent á hvernig opnun sem er.

  • Viðburðir - Sérstakir viðburðir þar sem allir verða að taka þátt í þessum ákveðna viðburð.

  • Annað - Útiopnanir, ferðalög, fjölskyldukvöld og allt sem okkur dettur í hug!

Opnun í félagsmiðstöðinni getur verið fjölbreytt og margt í boði. Hérna er LÍTIÐ brot af þeim fjölbreyttu smiðjum, viðburðum og öðru sem við gerum reglulega.

Spjallstund - Yoga - Playstation - Spil - Feluleikur - TikTok Dansar - D&D - Fatahönnunarklúbbur - Græjugrúsk - Boozt gerð - Trúnó - Air Hockey Mót - Tólinstarsköpun - Pool - YouTube og spjall - Gang Beasts - Movie night - Fræðslukvöld - Fótboltagláp - Fortnite - Bragðarefagerð