Almennar upplýsingar

Frístundaheimilið Skólasel

Með því að smella á fyrirsagnirnar opnast gluggi með texta

Hefðbundinn dagur í frístundaheimilinu

Enginn dagur í frístundaheimilinu er eins þegar kemur að viðfangsefnum sem eru í boði en ákveðin rútína á sér alltaf stað.

  • Þegar börnin mæta í frístundaheimilið tekur á móti þeim rafrænt valkerfi þar sem þau sjá hvaða viðfangsefni verða í boði á hverjum degi.

  • Rafræna valkerfið gerir okkur kleift að bjóða börnum upp á fjölbreytt viðfagnsefni í gegnum völ/smiðjur/klúbba.

  • Þegar þetta er skrifað (22.06.2022) eru um að bil 150 völ / smiðjur sem við bjóðum börnum upp á í starfinu í gegnum árið. Sum þessara vala eru reguleg á meðan önnur eru sjaldgjæf.

  • Á venjulegum degi eru um það bil 5-7 viðfangsefni í boði

  • Valkerfið og mikið úrval af viðvangsefnum gerir það að verkum að möguleikar á útfærslum fyrir hvern dag eru vel yfir marga milljarða!

Dæmi um viðfangsefni

    • Smiðjur: Skipulagt verkefni sem stendur til boða eins vinabandagerð, leir með þema, þrautabraut eða mála markvissa mynd á blað.

    • Frjálst val: Frjáls leikur eða frjáls sköpun í stjórnuðu umhverfi eins og hlutverkaleikir, perl, útivera eða lestur.

    • Ferðaval: Val sem gerist ekki í húsnæði eða lóð Bungubrekku.

    • Útistöðvar: Fjölbreyttar stöðvar á útisvæði Bungubrekku þar sem börnin geta flakkað frjálst á milli þeirra.

    • Klúbbar: Markviss hópur sem hittist á markvissum dögum með skýr markmið og tilgang

Viðvera, mæting og forföll í frístundaheimilinu


  • Tilkynna þarf forföll sérstaklega til okkar í gegnum póstfangið bungubrekka@hvg.is eða í gegnum síma, 4834095.

  • Starfsfólk hringir í foreldra ef börn skila sér ekki í starfið og því er mikilvægt að foreldrar tilkynni forföll til þess að tryggja að óþarfa viðbragðsáætlanir fari ekki af stað.

  • Foreldrar sem ætla að sækja börn beint eftir skóla eru beðnir um að sækja börnin í Bungubrekku frekar en út í skóla.

  • Við biðjum foreldra/forráðamenn sem koma að sækja börn í frístundaheimilið að hringja ekki og biða um að senda börn út nema í algjöri nauðsyn.

Frjáls mæting í frístundaheimilið

  • Foreldrar/forráðamenn eiga kost á því að skrá börn í frjálsa mætingu sem þýðir:

    • Foreldrar þurfa ekki að tilkynna ef barnið mætir ekki þann dag sem það er með skráða frjálsa mætingu.

    • Starfsfólk frístundaheimilisins tilkynnir þá ekki til foreldra ef barn mætir ekki í frístundaheimilið á þeim degi sem það er með frjálsa mætingu

Opnunartímar og lokanir í frístundaheimilinu

    • Frístundaheimilið er opið alla þá daga sem Grunnskólinn í Hveragerði er opinn og tekur á móti skráðum börnum beint eftir skóla.

    • Þá daga sem Grunnskólinn í Hveragerði er lokaður getur verið að frístundaheimilið sé einnig lokað.

      • Ákveðna daga bíður frístundaheimilið upp á lengda opnun fyrir hádegi á milli 08:00-13:00.

      • Upplýsingar varðandi þessa daga má nálgast inn á dagatali Bungubrekku sem er aðgengilegt með því að smella hér.

Gjaldskrá fyrir viðveru í frístundaheimilinu

  • Gjaldskrá í frístundaheimilinu getur verið breytileg milli ára en það er ávalt í höndum bæjaráðs að ákveða gjaldskrá frístundaheimilins.

  • Hægt er að nálgast gjaldskrár Hveragerðisbæjar með því að smella hér. Gjaldskrá fyrir frístundaheimilið ætti að koma undir liðnum Gjaldskrá Skólanna.

  • Gjald fyrir viðveru í frístundaheimilinu er mánaðrlegt gjald sem er breytilegt eftir því hvernig viðvera er valin. Meiri upplýsingar um viðveruskráningu má finna hér.